मराठी माणसाचा सत्कार

रजनीकांत ऊर्फ शिवाजीराव गायकवाड यांचा शिवाजी चित्रपट सुपरहिट झाला आहे. ही सर्व मराठी माणसांसाठी गौरवाची बाब आहे.

गौरवने सांगितल्याप्रमाणे रजनीकांतचा सत्कार होणे अतिशय आवश्यक आहे. पण पुण्यात सत्कार केला तर रजनीकांतला स्वत:लाच हार व फुले घेऊन यावे लागेल. त्याला हार, शाल व श्रीफळ द्यायला पुणेकरांचे पैसे वर आलेले नाहीत. त्यामुळे तो कार्यक्रम मुंबईत केलेला बरा.

या चर्चेमध्ये मराठी माणसाची तळी उचलून धरल्याबद्दल गौरव, पॅट्रिक्स, साक्षी व दालचिनी यांना "जाऊ तिथं खाऊ" या चित्रपटाचे प्रत्येकी एक तिकीट व चित्रपट पाहताना गौरव व पॅट्रिक्स यांना प्रत्येकी एक वडापाव व थम्स अप तर साक्षी व दालचिनीला पॉपकॉर्न व पेप्सी देण्याची व्यवस्था करावी अशी रजनीकांत यांना समस्त पुणेकरांच्या वतीने आम्ही विनंती करत आहोत.

त्या चर्चेत मराठी माणूस व रजनीकांतच्या विरुद्ध बोलणार्‍यांना लक्ष्मी रस्त्यावर गाडी रिव्हर्स घेण्याची शिक्षा मिळण्यासाठी मनसे लवकरच प्रयत्न करील अशी आम्हाला खात्री आहेच. त्यासाठी आम्हाला वेगळे प्रयत्न करण्याची गरज नाही.